鬍鬚仔 (已結業)

近日天氣一係好熱，一係就落大雨😩攪到個人無心機出街。就用app 叫外賣，搵好嘢食，其實都已經成為我既新習慣，今叫「鬍鬚仔」。啲嘢食送到黎都仲熱辣辣🤩～。～。～。～。～🍔經典牛堡：材料有 4OZ漢堡扒、車打芝士、芥辣蜜糖醬。咬等一啖個包仍然好熱辣辣，無因為係送外賣關係，變濕左或淋左，讚！牛肉味都好濃，又有汁，唔係乾爭爭，再配上半溶狀況既芝士，真係無得輸🤤再有大大塊蕃茄同生菜，都好新鮮，係脆口既。成個包既CP值都好高🤩🍔加勒比海牛堡：材料方面，係比經典多左煙肉、菠蘿，令個包多左層次，菠蘿更帶來多一點清新👍🏽其他就同經典一樣咁出色。薯條🍟：粗薯條加分❗️唔會鹹，同樣送到黎仲係熱嘅，唔係淋晒。洋蔥圈🧅：好意外，好食😋唔係炸到燶晒，配埋白色嘅沙律醬好味！