影片
更多
2018-01-25
407 瀏覽
咁就今晚約左女朋友食飯啦，女朋友話返工唔係好開心，咁我就諗住帶佢食返d好野同甜野等佢開心返d啦，係我唸緊海港城有咩高級餐廳之際，腦海裏就忽然唸起La Postre啦，我記得e間西班牙餐廳係銅鑼灣同埋上環果間店都好旺同埋出名好味呀！咁就一於e間啦，希望會令到佢開心返少少啦！咁大約7點半左右，去到厚福街嘅地舖啦！基本上成條厚福街都係人山人海，全部都係食肆，地舖又係，上樓又係，條街真係好旺，咁我地可能就早左少少去，都有張靚位坐，咁就埋位啦！入到去坐低之後，望一望周圍環境都好優美，枱與枱之間嘅空間夠闊閣，唔會話係好迫嘅感覺，而牆上裝修都好時尚。除左我之外都重有好多客人周圍影相。望下望下，望入佢個水吧，佢個水吧同埋沙律吧就真係超級乾淨，而且設備齊全，愛咖啡嘅我見到一部神物，就係e部意大利戰神Bezzera嘅古董咖啡機，無記錯e部咖啡機都要十四至十五萬，有金色同銀色，而我都覺得銀色子彈仔型好多，咁e部咖啡機個賣點除左型之外，重有係做espresso温度 ，壓力 ，準確高，如果大家都係用一樣嘅豆，味道都一定比起其他機優勝呀！感覺上間餐廳嘅老闆真係有要求，我唸我地都無去錯地方啦！其實本身我真係好想試下
咁大約7點半左右，去到厚福街嘅地舖啦！基本上成條厚福街都係人山人海，全部都係食肆，地舖又係，上樓又係，條街真係好旺，咁我地可能就早左少少去，都有張靚位坐，咁就埋位啦！
入到去坐低之後，望一望周圍環境都好優美，枱與枱之間嘅空間夠闊閣，唔會話係好迫嘅感覺，而牆上裝修都好時尚。
除左我之外都重有好多客人周圍影相。
望下望下，望入佢個水吧，佢個水吧同埋沙律吧就真係超級乾淨，而且設備齊全，愛咖啡嘅我見到一部神物，就係e部意大利戰神Bezzera嘅古董咖啡機，無記錯e部咖啡機都要十四至十五萬，有金色同銀色，而我都覺得銀色子彈仔型好多，咁e部咖啡機個賣點除左型之外，重有係做espresso温度 ，壓力 ，準確高，如果大家都係用一樣嘅豆，味道都一定比起其他機優勝呀！感覺上間餐廳嘅老闆真係有要求，我唸我地都無去錯地方啦！其實本身我真係好想試下杯咖啡呀！但係人老左，夜晚飲咖啡會訓唔著呀！，所以我決定我會搵日蛇出黎high個tea,話晒部機都十幾萬，用幾十蚊就可以感受到就真係超值呀！
好，咁跟住就望下個餐牌先!嘩!餐牌款式非常非常多選擇呀！小食類都係一般果d西班牙小食，有風乾腸片併盤，有炸海鮮併盤等。主食就利害啦，有西班牙海鮮，豬手，乳豬件，牛肋條，牛仔骨，油封鴨腿，蟹類主題等，重有好多望落去都好好味嘅野食，由於我地得兩個人，叫唔到太多，如果多幾個人咁樣我地就可以叫多幾個菜啦，咁為免要我女友唸太多野，咁就由我下決定啦，我地就點左一個小食，一個main,兩杯飲品同一個甜品啦！
咁係等野食果陣，都會留意下佢d餐具，都真係非常特別，骨碟非常精美，帶有金邊，而刀叉同匙更加係有高級餐廳嘅標準，夠乾淨，而且非常實用，特別係果張美金餐紙，我相信殺左唔少相機容量，靚到連我自己都唔捨得用呀！果一克真係好期待d食物快d黎呀！
好啦！起菜啦！第一道菜係小食嘅青檸蜂蜜單骨雞翼啦！
青檸蜂蜜單骨雞翼
$88
19 瀏覽
0 讚好
0 留言
雞翼一放上枱果陣都已經陣陣嘅青檸香味啦，而份量都好足，足足有10隻，雞翼用左蜂蜜同青檸醬汁搽好之後燒，非常惹命，而且個皮好脆，脆得黎d雞肉都算係滑，唔會話因為過晒火而好乾好柴，外脆內嫩，食落去都重好香青檸味，而有d汁都會流左落d沙律菜度，令到d新鮮嘅沙律菜更加易入口，最後我地成碟連菜都食埋。
菠蘿莫希托
$68
16 瀏覽
0 讚好
0 留言
鮮什果莫希托
$78
12 瀏覽
0 讚好
0 留言
好，跟住到飲品上場啦，有我選的鮮什果莫希托及我女友選得波羅莫希托。莫希托是一種傳統的古巴高球雞尾酒。傳統上，莫希托是一種由五種材料製成的雞尾酒：淡蘭姆酒、白砂糖、青檸汁、蘇打水和薄荷。首先是我的什果莫希托，超多款水果，有青檸，蘋果，橙，波羅，莓等，飲落去好清甜，非常解渴。喉韻間還帶著蘭姆酒淡淡的醺香，但是就不會太重酒味，而我女友嘅菠蘿莫希托係以菠蘿味為主，裏面都好多菠蘿肉，加上蘭姆酒和薄荷之後都係一樣咁正，都係視乎自己嘅口味，視乎自己鍾意邊一隻水果啦！
龍蝦燉飯
$298
28 瀏覽
0 讚好
0 留言
好啦，到主餐出場啦，個main我就選擇左個龍蝦燉飯啦，一黎到我地兩個就嘩左一聲，好大兜呀，正常呀！傳統嘅西班牙燉飯就一定係用個pan上呀！另外好大隻龍蝦呀！e碟野賣相就真係無得輸，咁我地就急不及待即刻試下個飯先啦！我就首先食左佢d飯先，西班牙燉飯是一道程續簡單,卻需要豐富經驗才能做的好的料理,個飯用嘅係意大利米，燉飯是需要邊加海鮮湯邊炒米的,以防米在鍋底燒焦，食落去都好有口感，同埋以我所知西班牙燉飯都係以海鮮湯同其他配料燴製嘅，係會用慢火收d汁入d飯度，咁個飯裏面都有好多配料，包括凡立貝，蝦子，有d唔知咩腸仔，我估係紐倫堡腸，重有d香草同埋青豆。食落去就重好香蕃茄同埋d香草味!女友都話好味!跟住就到隻龍蝦啦！龍蝦舊肉都算大舊，另外就重有d蝦膏，龍蝦肉食落都可以，都夠彈牙!而隻鉗呀師傅都整碎左個蝦殼，方便進食，非常之細心。但係之後女友話留肚食甜品wor....搞到我要清晒d飯，乜食甜品唔係用第二個胃咩!?
食晒啦，店員幫我地收晒d餐具，換返套新嘅餐具俾我，準備好上甜品啦！甜品我地係叫左雜果麻糬窩夫，黎到之後見到佢根本就係同個餐牌一模一樣，女友就即刻自己攞刀切，而舊雪糕就俾佢充公左啦！，咁個窩夫上面d雜果都有好多款，有無花果，奇異果，士多啤梨，火龍果及桑莓，顏色襯得非常好，而舊窩夫食落去就一定食得出係即叫即整呀！都好香蛋味，而中間果d麻糬都幾香，如果想甜d可以再加d楓糖，但係食左幾碗飯嘅我就反而覺得有d膩，但係總結黎講都係香呀！如果再點埋d雪糕食我覺得會好食d law.....
什果麻糬窩夫
$138
16 瀏覽
0 讚好
0 留言
好，最後埋單啦，價錢唔算好貴，平均三百幾蚊，最後餐廳重送一人一盒薄荷糖俾我地。總結黎講，餐廳裝修好靚，歐洲風格，而設備都超正，我一定會黎試部咖啡機呀，而且服務都非常好，係一班靚仔靚女招呼，值得推介。
張貼
