御石燒 (已結業)

太耐冇放低妞妞同老公拍拖！今日老公拍板搵咗間石燒定食嘅餐廳，就喺花園街附近，呢邊多咗好多唔同嘅餐廳，好想試勻晒！！！.一人揀咗一款，交換食就可以試多款口味啦！加埋紫菜味飯素、流心蛋同飲品，真係食到好飽！ 一上菜店員提醒要拎嚿牛脂肪逼一逼啲油出嚟慢慢燒，咁就唔會癡住嚿石，燒嘅時候就會輕鬆啲！.御燒極上級黑松露吉列牛雖然話係吉列牛，但其實佢嘅麵包糠只係剛剛好滾咗一圈，食落都為口感增加微微嘅香脆感，而肉質柔軟唔會韌，牛脂嘅香氣加埋黑松露香氣，好有驚喜！.御燒極嫩牛舌芯平時牛舌就食得多，牛舌芯真係好小有！因為係牛舌最甜、最滑、最好味嘅位置，用石烤燒到外香內嫩，口感彈嫩有肉汁！.店員會Keep住留意大家啲石燒板，一唔夠火就會即刻幫手返嚿固體酒精，仲會叫客人收起眼鏡同電話，小心彈到油𠻹！.#msmessypig_food