影片
更多
2016-09-29
605 瀏覽
老實講，法國餐係我食得最少最少嘅菜式，唔係我唔鍾意食，而係普遍嘅法國餐廳環境暗到乜都睇唔到不特止，仲要有咁耐食咁耐，其實夜媽媽食，真係好眼瞓㗎！要浪漫，真係要付出代價..... 但近排聽聞渣甸山開咗間法國餐，睇相又幾靚幾光猛喎，又有免費泊車，今晚就同爸媽去試吓！真係開心，未嚟過一間咁光猛嘅法國餐廳，老闆娘Haddy帶我哋去到盡頭嗰間房，樓底真係高，高到呢..... 喺文化磚牆上仲有一堆放紅酒嘅架，另一邊就有個小火爐，四圍都係雪山嘅畫，似足法國家庭式小餐廳咁，環境已經夠討好，張櫈仲要非常好坐... 一坐低已經唔想走！睇睇menu先，5個course $488一位？！3個人，就叫2個set，加一個main dish之後share就啱啱好喇！龍蝦湯未飲，聞到已經香到不得了！質感冇平時飲開嘅lobster bisque咁濃，呢個比較稀啲，但味道非常鮮甜，好似食緊好多隻龍蝦咁樣！不過飲落有少少辣...法式洋蔥湯比較稀，上面浮住一塊麵包及少量芝士，嫌唔夠cheese嘅，旁邊仲有一小碗cheese！洋葱味道非常濃，每小粒洋蔥都好熟好軟綿，但因為芝士唔係太多，所以唔會蓋過咗個湯本身嘅鮮甜味道田螺批平時
真係開心，未嚟過一間咁光猛嘅法國餐廳，老闆娘Haddy帶我哋去到盡頭嗰間房，樓底真係高，高到呢..... 喺文化磚牆上仲有一堆放紅酒嘅架，另一邊就有個小火爐，四圍都係雪山嘅畫，似足法國家庭式小餐廳咁，環境已經夠討好，張櫈仲要非常好坐... 一坐低已經唔想走！
睇睇menu先，5個course $488一位？！3個人，就叫2個set，加一個main dish之後share就啱啱好喇！龍蝦湯未飲，聞到已經香到不得了！質感冇平時飲開嘅lobster bisque咁濃，呢個比較稀啲，但味道非常鮮甜，好似食緊好多隻龍蝦咁樣！不過飲落有少少辣...
龍蝦湯
30 瀏覽
0 讚好
0 留言
比較稀，上面浮住一塊麵包及少量芝士，嫌唔夠cheese嘅，旁邊仲有一小碗cheese！洋葱味道非常濃，每小粒洋蔥都好熟好軟綿，但因為芝士唔係太多，所以唔會蓋過咗個湯本身嘅鮮甜味道
法式洋蔥湯
22 瀏覽
0 讚好
0 留言
25 瀏覽
0 讚好
0 留言
平時食焗田螺就食得多，今次變咗做批唔知會點呢？先食碟上面嗰3粒先，點埋homemade香草忌廉汁，正！切開個批，勁crispy，一切就碎晒，入面塞滿田螺，勁開心，鍾意食田螺嘅朋友應該會好鍾意食！
田螺批
19 瀏覽
0 讚好
0 留言
田螺批
20 瀏覽
0 讚好
0 留言
有3塊好薄嘅鴨胸，原來喺法國攞過金獎㗎，食落好似火腿咁樣，好濃烈嘅smoke味道不過易入口；當店員上菜時，我仲心諗個沙律兜咁得意嘅？原來係專登焗出嚟㗎，好薄好脆，入面除咗沙律菜外，仲有藍莓、杏脯肉、松子仁、hazelnut、橄欖、蘿蔔絲，口感豐富到不得了，夠晒有誠意，份量仲非常大，3個人食都完全冇問題！
鴨胸沙律
21 瀏覽
0 讚好
0 留言
鴨胸沙律
28 瀏覽
0 讚好
0 留言
並唔係普通嘅羊，係來自Sisteron嘅乳羊，當日法國總統奧朗德都係用呢度嘅羊嚟款待英女皇㗎！我唔食羊，但根據爸爸所講，肉質好腍，睇住佢只係用刀將舊羊肉搬上碟已經散咗一半，可想而知係幾咁鬆化。但由於係乳羊嘅關係，所以唔係太臊，連平時唔食羊嘅媽咪都食到，不過我都係唔敢去試。其他配菜亦都出色，有豆、蘿蔔、瓜及去皮薯仔等，爸爸近排已經細食咗好多，但佢都食晒成碟菜，犀利！
羊肩
19 瀏覽
0 讚好
0 留言
羊肩
18 瀏覽
0 讚好
0 留言
羊肩
20 瀏覽
0 讚好
0 留言
法國黃油春雞（半隻）蜜糖芥末子
$188
15 瀏覽
0 讚好
0 留言
旁邊一堆黃色嘅，我以為係蜜糖芥末子醬添，原來係risotto? 食完都唔記得問添... 黃油春雞肉厚不過啲骨好細，我都未食過咁細隻咁得意嘅雞翼哈哈，薄薄嘅皮下面差不多係零脂肪，肉嫩而且雞味香濃；最吸引嘅係竟然係喺雞皮度食到蜜糖芥末子嘅味道，平時唔食雞皮㗎，好在有切嚟試吓咋否則走寶喇！而雞下面嘅配菜同樣地都係誠意十足，今次就唔係去皮薯仔喇，而係連皮嘅焗薯，食食吓乜咁似細個成日食嗰隻新薯嘅？嗰陣媽咪會買一包新薯焗俾我返學食，連皮嘅薯仔的確有另一種風味，哈又俾我搵到童年回憶喎！仲有少量煙肉，不過煙肉就肥咗啲了
法國黃油春雞（半隻）蜜糖芥末子
$188
20 瀏覽
0 讚好
0 留言
法國黃油春雞（半隻）蜜糖芥末子
$188
23 瀏覽
0 讚好
0 留言
其實都已經飽飽哋，哇呢個份量又咁大嘅？其實4個人都真係食得落囉！切開酥皮，哇塊牛柳大到不得了，點少少牛肝菌汁，太惹味喇！我非常欣賞個汁，因為除咗牛肝菌之外，仲俾我搵到羊！肚！菌！哇哈哈，兩種最愛嘅菇撈埋一齊做汁，不得了咯！最後都係要同Haddy講，唔該俾多啲汁我吖，唔夠啊...... 不過掛住一路食一路講，最後個牛柳凍咗，可惜，但可幸佢哋上main dish嘅碟全部都係熱㗎，抵讚！同樣地，呢個main dish都有薯仔做配菜，不過今次嘅係非常特別，係一小座用薯仔切成一片片再疊高嘅薯仔山，超級可愛啊！中間仲要搽滿牛油及芝士，再充斥住濃烈嘅蒜頭香味呀，救命呀好邪惡呀但我真係食唔落呀，不過真係好好味，最後都係食晒...... 仲有一小串法國車厘茄，靈舍鮮甜多汁，佢隔離有一串用煙肉包住嘅豆，幾有心思，唔係求其放一堆豆出嚟咁樣！
酥皮焗牛柳
21 瀏覽
0 讚好
0 留言
酥皮焗牛柳
30 瀏覽
0 讚好
0 留言
酥皮焗牛柳
28 瀏覽
0 讚好
0 留言
牛肝菌汁
27 瀏覽
0 讚好
0 留言
酥皮焗牛柳
20 瀏覽
0 讚好
0 留言
當然，甜品係另一個胃。
一向對brownie都冇乜好感，因為覺得佢好甜，不過有爸爸喺度，佢鍾意朱古力，食得到嘅！呢件brownie冇相像中咁硬，比較易切開嚟食，入面仲有合桃咁得意嘅？！而且甜度適中，放少少自家製Vanilla雪糕一齊食，又幾好食喎！我都忍唔住食咗幾啖
Brownie配雪糕
23 瀏覽
0 讚好
0 留言
Brownie配雪糕
17 瀏覽
0 讚好
0 留言
Rhubarb mousse (是日甜品)Haddy話呢個係用一種酸酸哋嘅生果(Rhubarb)做成嘅mousse，媽咪話佢喺超市就見得多，食就未食過，咁就梗係一定要試吓喇！mousse係好淺好淺嘅紫色，味道酸酸清新，食飽主菜食返個咁酸嘅甜品其實真係唔錯！
Rhubarb mousse
13 瀏覽
0 讚好
0 留言
差不多食完嘅時候，同Haddy傾幾句，原來佢哋之前喺元朗嘅，後來居民協會邀請佢哋嚟渣甸山開餐廳，佢哋一直想將大部份食材都由法國訂過嚟，但奈何要雪呢，而呢度比以前大好多，大都可以放11個雪櫃，所以而家可以開始喺法國訂食材過嚟喇。小至車厘茄及薯仔，大至羊肉都係來自法國㗎！$488一個餐可以食到來自法國嘅食材，會唔會抵咗啲呢？所以呢個價錢只會做埋9月30日，之後就會加價了（不過未知加到幾錢喎！）我就心諗喇，而家好多鍾意渣車四圍試有特色餐廳嘅年輕人，呢度完全符合條件喎！夠晒靜啦、價錢合理、裝飾又靚又有風味啦，最重要冇法國餐廳嗰種拘謹吖嘛！成餐飯都食得好輕鬆愉快，而且上菜速度跟得住香港人嘅急促，我食咗2個鐘咋！
拍拖嚟食一流，哈哈！
張貼
