Stormies (已結業)

跟住舊指示係F出口去呢間餐廳真係搵到燥，係餐廳行出黎就係西鐵元朗站K出口啦，遞交左更新資料，希望其他人唔使行冤枉路環境真係唔錯，完全係高檔既裝修，服務都好好。是夜，main, pasta, rice 買一送一，叫左個西冷扒再加炸魚薯條，要多左個甜品「蛋白檸檬撻」西冷5成熟，賣相與刀感比預期有驚喜，因為我戒牛，只能睇住朋友一啖一大舊，佢話好好食囉。炸魚薯條既魚，炸粉薄脆之外舊魚都有啲鹹味，滴檸檬汁落去就更惹味。個沙律醬都幾好，配薯條既話好得意。蛋白撻真係令我呢個甜品控好好好驚喜，面頭層蛋白鬆軟企身，下面一層檸檬打的mousse一定要連撻皮一齊食，酸甜口感真係好夾，一個人食兩個撻都唔覺得罪疚架價錢係有dd..... 環境同附近既咩咩樓，你明既，不過真係可以一食。