星浪餐廳

營業中

休息中

如果要光顧星浪餐廳，可以係香港仔直接坐船到達模達灣，或者係索罟灣坐街渡過模達灣。我唔建議係索罟灣行過去，因為係山路黎，大約要行30分鐘。今年係星浪餐廳慶祝小弟生日，我十分開心，食物質素高，老闆又服務得好，景又令，係海灘附近，碼頭一落船就望到餐廳，路程五分鐘到。我地叫左鵝肝，炸魷魚圈，三文魚配意大利飯，一杯紅酒，一杯白酒，都覺得好飽，好夠食，最後仲有藍梅芝士蛋糕，超正。老闆仲請我地食牛油配面包，個牛油應該係親自調配，很好食。我地係當晚唯一一枱客，老闆都肯為我地開門做生意，呢份敬業值得我再去多次。