NeNe Chicken (新都會廣場) (已結業)

今日收工諗住同朋友食炸雞，一入到去，我同朋友都好有禮貌同𢴇枱個位講唔該，個男仔有幫我地點菜但態度好差，好多食物都無啦，不過唔緊要，但個男仔個態度語氣都十分之唔好，但都坐底左就算啦。之後到食物上黎仲過份！叫左一個二人套餐，有半份炸雞，一份炒粉絲，一個拉麵，好難得有一間餐廳係全部嘢都好難食！炸雞有怪味，個拉麵仲難食到擺唔落口，我自己係屋企煮都好食過佢！最激氣嘅係個粉絲！佢地竟然拎隻爛碟黎擺菜！你見到一點點以為係花紋？錯啦！都係一個個爛左嘅窿呀！佢個粉絲擺到一pat嘢我都算啦，但你咁大個集團竟然會用個爛碟黎serve客！ 仲要態度差！不過依間餐廳嘅特別之處就係可以令到一個好肚餓嘅人食幾啖已經可以無曬胃口，連飢餓感都無左。依餐仲要食左四百幾，質素差又要受氣！真係一粒星都唔想俾！依個餐廳令我特登開到ac黎寫食評，就知有幾難食！