Caligari

營業中

休息中

平日去左試吓呢間拎過獎嘅咖喱飯，本身對佢好有期望，好多人都話好好食，但今次試完之後，極度失望！！1.椰汁咖喱吉列豬扒配日本米飯🍛🍚咖喱汁係濃郁個種，入面有牛肉、香料、椰汁煮成嘅咖喱。但咖喱冇乜椰汁味、食落仲幾鹹，我同朋友都係重口味人士，都覺得呢個咖喱汁太鹹。吉列豬扒炸得好酥脆，但係粉漿好厚，食咗一兩嚿已經要去皮食。日本米飯溝咗薑黃粉同咖喱汁唔太夾，相比起一般平時餐廳食到嘅珍珠米，呢度嘅飯質感更差。2.椰汁咖喱吉列炸蝦配日本米飯🍛🍚吉列炸蝦比吉列豬扒更差，炸粉更加厚，入面嘅蝦肉更加少。3.另外追加咗一份炸雞塊正常發揮，同喺其他舖頭食到嘅炸雞塊差唔多味道。