阿利水韓國料理 (已結業)

今日同朋友聚會，我地都好想食韓國料理，於是揀咗阿利水，終於可以試下呢間米芝蓮食府！剛入店時覺得置身於韓國咁，因為大部分嘅客人都係韓國人！而且環境都不錯，坐位亦好寬闊！韓國料理少不了前菜，兩個人有十碟！全部都比我地食晒！款式同一般韓國料理差不多，其中我地最鍾意係辣魷魚同南瓜~海鮮大醬湯足料嘅海鮮湯一上枱石鍋仲滾緊！有青口、蜆肉、豆腐、泡菜，飲落熱辣辣幾惹味！加上我地都鍾意食辣，呢個湯送飯真係一流！炆牛肋骨呢個係去食韓國料理必食既！配料有金菇、紅羅白、白羅白！牛肋骨炆得好入味好淋，加上濃濃牛肉味既湯汁，真係食到停唔到口！水冷麵熱辣辣既天氣食水冷麵真係唔錯既選擇！配料有青瓜絲、蕃茄片、白羅白絲、牛肉絲、韓式辣醬，而冷麵亦整得好彈牙！加上帶有酸酸的白醋，好醒胃！食完先知原來餐廳曾經拎過米芝蓮，唔怪得高準咁好，下次要再來。