金記海鮮飯店 (已結業)

好朋友來港探親，與太座當盡地主之誼，答謝他在多倫多讓我們入住其屋及帶我們北上滿地可，魁北克等城市，旅途愉快，實在畢生難忘。我們都喜歡遠足，擇日到塔門繞了一週，黃昏返回西貢，在碼頭逛一逛，又到晚飯時間，招呼好朋友，又來到西貢，吃海鮮是必然的事。整條街的食肆都在門外拉客，選哪一家吃？上網看看食評作參考，最後選了這間。由於食肆地方不大，裏面已坐滿人，見門外已加了大檯，坐了人，何不再加一張細檯？老闆娘親力親為，指揮若定，命人在門外加開細檯，又著小兒子帶領我們到附近街市自買海鮮。與好友到了街市，看其喜好，買了鮑魚，斑頭腩，大蝦，美國桶蠔，拿回店代辦。鮑魚用果皮蒸，鮑魚是大連貨，幾十元一隻，無乜鮑味，但幾彈牙，果皮亦味道單薄，叫做多味餸。清蒸斑頭腩，蒸魚豉油調得不錯，魚的肉質甜美，最愛塊帶膠質的魚皮，好好食。大蝦，豉油皇煎，吮一輪個殼先食肉，幾爽甜。桶蠔用砵酒焗，蠔是先炸後焗，所以有些少脆脆地，砵酒帶甜味，煮得不錯，美國蠔夠肥美，不會差去哪裡！加碟炒菜，幾爽脆多汁，送埋橙。自來海鮮油料錢，預咗！