海街丼 (E-Max) (已結業)

工作上完成一單大job，偶爾都想犒賞自己一下。鄰近商場只有呢間稍為似樣嘅日本菜，就入去食個貴少少嘅午飯。刺身丼同熟食丼飯都有數款選擇，一場黎到先點個海寶丼（並）試試，而白飯大盛都係免費嘅，啱晒飯筒們。午市定食附有麵豉湯同前菜，感覺貌似平時開罐頭嘅調味鯖魚或吞拿魚，實在有一啲降格。海寶丼（並）有數款刺身粒，食得出有吞拿魚、三文魚籽、帆立貝碎、青瓜粒等，醋啫喱倒入熱飯後令飯變得帶點酸味，十分開胃，份量因為揀左大盛覺得足夠。唯刺身質素並不算十分新鮮。