龍鳳冰室 (已結業)

今日去到天后，經過見到有間叫龍鳳名嘅冰室，我地就入去試吓。當坐低後感覺好擠迫，座位密麻麻。單邊牆壁掛左好多明星相。四周有好多介紹，但比較混亂要周圍看。要等店員給餐牌先叫到餐。我試左六寶撈麵加凍檸水，撈麵配有串燒、豬頸肉、蟹柳、粟米、腸仔、炒蛋。就係六寶撈麵，味道只有炒蛋好味，其他同去便利店食撈麵差不多，只係份量多左，但價錢貴好多。另外我朋友叫左肉醬豬扒飯加熱奶茶，味道一般。肉醬汁太小，只係表面一層。奶茶味道不算太滑。