阿純山東餃子

營業中

休息中

知道呢間係米之蓮推介店，原本冇諗住去，有緣路過就入去試試，無乜奇望。餐牌都好多選擇，話係山東菜。講真我認識山東菜唔多，見食客都係叫午市套餐。但係我覺得既然招牌係餃子館，都想試吓佢哋餃子嘅水準。環境冇乜特別，都算係企理乾淨，標準防疫措施都做足，人手亦足。見到餐牌寫住餃子都有幾多種類，價錢都唔同。其中一隻因為黑蚊蚊吸引到我嘅注意力，而且唔想食得太飽，所以叫咗兩隻餃子一黑一白都係魚肉做餡。鮁魚餃，即係馬鮫魚肉入餡嘅餃子，都食到些少魚肉嘅鮮甜味，加入韭菜提鮮及提供不同口感。最可惜係魚肉嘅口感好差，一pat pat 有種唔知食緊乜咁嘅感覺，又唔可以話核突，用奇怪來形容較合適。呢隻仲衰，個名就好聽叫青島墨魚餃。問侍應佢話黑色係墨魚汁做成，但其實餡料裏面冇墨魚，係用蝦滑加豬肉雞肉絞碎而成。味道比之前嗰隻更差，食唔出有咩蝦味，口感一樣都係一pat pat唔知食緊乜咁。六蚊1隻餃子咁嘅水準，我攞去街邊食魚蛋冇咁嬲。不過好多時出街食嘢都係咁，要嘗試新野就要冒險。