昌記茶餐廳

營業中

休息中

前幾日經開灣仔，朋友介紹底下去左間叫昌記既茶餐廳食咖哩飯！呢度咖哩分別有雞扒，豬扒，牛扒，吉列豬，吉列魚柳同埋雜菜我就叫左個咖哩雞扒同叫左杯凍鴛鴦少甜試試！唔使5分鐘咖哩雞扒已經香噴噴上台飯同埋雞扒都好多好足料！份量夠哂多！雞扒輕輕煎左再放入咖哩汁到！又唔會乾身同仲keep到肉汁！咖哩汁好香濃但唔會太辣，配個咁大碟既白飯真係無得頂雞扒下面都配左d椰菜同翠肉瓜，唔會只係比肉你食d瓜菜索哂香既咖哩汁非常好味! 男人食完都一定夠哂飽呀杯凍鴛鴦都好味呢個午餐非常滿足! 盛為50蚊！唔算平，但真係好味