夏娃 (已結業)

朋友陪我第一次嚟食德國餐廳，唔小心行過咗，不過位置唔算難搵。充滿期待地，我睇完餐牌仲讀埋酒牌。心諗既然要試德國菜，我哋就揀咗兩款地道嘢一齊食。🍅湯隨餐奉送細碗不過飲落似係全鮮茄，好味🐽招牌德國咸豬手配薯條酸椰菜$168第一次食咸豬手，不油膩，好大份，薯條好好食唔使點茄汁，酸椰菜醒神開胃🐮傳統德國牛唇沙律配黑醋汁$58第一次食，口感Q彈可以再試🍺Benediktiner Weissbier 500ML$58咁樣介紹嘅：喝下帶有豐富的焦糖及蜂蜜的香味(54% ALC)第一次飲德國啤酒，我覺得呢款啤酒容易入口，蜂蜜夾麥味適中，食完豬手薯條飲幾舒服最後食剩咗半隻手要打包盒，半杯啤酒飲唔晒，唔想製造更多廚餘，我哋都放棄咗杯餐飲洛神甜莓茶。短短時間翻桌率次數頗密，肯定咗自己嘅眼光同友人嘅信任，埋單無收加一抵讚。