NUTTEA (旺角中心第一座) (已結業)

一早就聽聞Nuttea既堅果奶蓋好出色，今日路過旺角決定一試！😙旺中分店嘅位置有少少隱蔽，大家可以係新之城扶手電梯上咗一樓，再行返過去旺中嗰邊方向就見到啦😎粉紅莓好堅果奶蓋茶🍓堅果奶蓋果然出色，奶蓋質感口實，落足真材實料，加埋本身有嘅堅果香，奶蓋上面鋪咗唔少nuts增加口感，正過一般奶蓋喎！配埋莓果茶：莓味真實，唔似藥水味，解渴清新！宇治金時堅果奶蓋茶🍵宇治抹茶茶味濃郁，奶同茶平衡得啱啱好。面頭仲真係有紅豆🫘，紅豆口感軟糯、唔甜，好夾抹茶！結論：會再試！見到仲有好多口味都好有興趣，第二啲地方都冇，好似蘋果脆脆楓糖堅果奶蓋茶、每日限量既伯爵朱古力堅果奶蓋茶、藜麥燕麥堅果奶茶、黑糖凍堅果奶茶等等😌