夢の丼 (已結業)

呢日放工之後同男朋友去左土瓜灣呢間日本餐廳到食dinner。估唔到喺土瓜灣呢個舊區都可以搵到一間咁decent既日本餐廳，佢既環境好有日式既風格。啲丼飯望落去好吸引。我地點完菜之後，就上左啲麵豉湯同埋沙律。我地點左兩個丼飯，首先當然要點佢招牌既夢之丼啦，呢個丼飯超豐富，入面有三文魚蓉、三文魚子、帆立貝、牡丹蝦、海膽、松葉蟹、左口邊魚，一次過試哂咁多款魚生，真係超正，啲魚生超新鮮，正啊！另一個丼飯係花錦魚生丼，入面有三文魚、白身魚、赤蝦、左口邊魚、金蟹子、三文魚子、櫻花蝦、蟹膏豆腐等等，上面仲有溏心蛋，將佢撈埋啲魚生同埋壽司飯一齊食，超正。小食方面，我地點左蟹膏豆腐，幾嫩滑。另外仲有磯燒帆立貝、深海池魚刺身同埋法國蠔，一樣咁正啊！