影片
更多
2022-12-22
2368 瀏覽
好耐無食過「樂天皇朝」嘅小籠包，咁啱今日有事要出嚟銅鑼灣，晏晝就順便過嚟吃頓午餐。餐廳嘅設計揉合了古代王朝氣派同現代時尚風格，店內面積頗大，環境優雅，空間寬敞，配上中央嘅「蓮花池」，裝潢型格又不落俗套。一坐低，店員就隨即送上一碟栗子花生作為餐前小食 ($15)，栗子圓潤飽滿、烹得粉腍又入味；而花生亦煮得不溫不火，口感濕潤，很討人歡心。食物方面，先嚟一客原味小籠包 ($68/6pc)。小籠包即叫即蒸，送上時仍熱辣辣，豬肉餡鮮甜無比，而且唔會一夾就穿，入口皮薄汁豐，唔使點醋都已經夠曬味。跟住係一客蘿蔔絲酥餅 ($45)，件件都炸至微微金黃，外層嘅酥皮好鬆化，入面包住滿滿嘅蘿蔔絲，食落好 Juicy，既清甜又無渣，絕對係水準之作。另外呢客炸刀削小饅頭 ($30) 味道亦很不錯，啱啱炸起，新鮮熱辣，外層香脆、包芯柔軟，沾香甜嘅煉奶吃，挺滋味。上海生煎包 ($45) 個包底煎得很香脆，頂頭撒了一些芝麻，一口咬開，外皮鬆軟，入面嘅肉餡好鮮嫩，完全無膻味，吃時更會有肉汁不斷滴出，十分抵讚！壓尾再嚟多客揚州炒飯 ($93) 作結，大大碟、份量十足，而且用料好慷慨，有蝦仁、叉燒、菜粒同蛋絲等。米飯粒
好耐無食過「樂天皇朝」嘅小籠包，咁啱今日有事要出嚟銅鑼灣，晏晝就順便過嚟吃頓午餐。
餐廳嘅設計揉合了古代王朝氣派同現代時尚風格，店內面積頗大，環境優雅，空間寬敞，配上中央嘅「蓮花池」，裝潢型格又不落俗套。
一坐低，店員就隨即送上一碟栗子花生作為餐前小食 ($15)，栗子圓潤飽滿、烹得粉腍又入味；而花生亦煮得不溫不火，口感濕潤，很討人歡心。
食物方面，先嚟一客原味小籠包 ($68/6pc)。小籠包即叫即蒸，送上時仍熱辣辣，豬肉餡鮮甜無比，而且唔會一夾就穿，入口皮薄汁豐，唔使點醋都已經夠曬味。
跟住係一客蘿蔔絲酥餅 ($45)，件件都炸至微微金黃，外層嘅酥皮好鬆化，入面包住滿滿嘅蘿蔔絲，食落好 Juicy，既清甜又無渣，絕對係水準之作。
另外呢客炸刀削小饅頭 ($30) 味道亦很不錯，啱啱炸起，新鮮熱辣，外層香脆、包芯柔軟，沾香甜嘅煉奶吃，挺滋味。
上海生煎包 ($45) 個包底煎得很香脆，頂頭撒了一些芝麻，一口咬開，外皮鬆軟，入面嘅肉餡好鮮嫩，完全無膻味，吃時更會有肉汁不斷滴出，十分抵讚！
壓尾再嚟多客揚州炒飯 ($93) 作結，大大碟、份量十足，而且用料好慷慨，有蝦仁、叉燒、菜粒同蛋絲等。米飯粒粒分明，軟硬度亦啱啱好，夠乾身又唔油膩，美味。
張貼
