影片
更多
2022-12-03
730 瀏覽
鑊氣十足嘅傳統粵式中菜館！餐廳門面平凡唔顯眼，但估唔到啲嘢食有驚喜😳主打香港地道懷舊菜式，同時又有多款創意新派撚手小菜例如古法焗魚腸、梅子荔芋鴨、黑松露蝦多士等等，某啲菜式需要提早預訂先可以食到Menu睇到花多眼亂，但好在有張美食熱賣排行榜可以跟住嗌🤣呢度所有小菜由午市就開始供應，包白飯同老火湯，老火湯足料濃郁冇落味精，白飯仲可以任裝而家星期一至四午市同晚市小菜(海鮮及預訂菜式除外) 都有9折優惠，更加抵食！-👍🏻芝麻雞 $188/半隻呢度招牌必食嘅傳統菜式！可以做到成隻雞都沾滿密密麻麻嘅芝麻仲要唔甩，真係好考功夫花時間火喉亦控制得好好，雞皮薄身香脆，雞肉咬落仍然鮮嫩多汁，完全做到皮脆肉嫩口感，雞味濃郁同時又食到芝麻香，超正！配上日式芝麻醬，不過雞肉本身已經有鹹香，就咁食都好好食雖然密集恐懼症人士表示有啲驚，但真係值得一試味道：9/10性價比：7/10-👍🏻蜜椒薯角牛柳粒 $88近年大排檔必嗌菜式，但呢度比較特別，連牛柳都有脆漿包住，表面炸到微微脆牛柳食到牛味，肉質軟嫩有彈性，冇筋唔會太韌/拿到腍沾上蜜糖，甜甜地又有黑椒味，好好食！薯角亦炸到外脆內軟，大小適中，加上甜甜地嘅蜜糖脆皮，冇
主打香港地道懷舊菜式，同時又有多款創意新派撚手小菜
例如古法焗魚腸、梅子荔芋鴨、黑松露蝦多士等等，某啲菜式需要提早預訂先可以食到
Menu睇到花多眼亂，但好在有張美食熱賣排行榜可以跟住嗌🤣
呢度所有小菜由午市就開始供應，包白飯同老火湯，老火湯足料濃郁冇落味精，白飯仲可以任裝而家星期一至四午市同晚市小菜(海鮮及預訂菜式除外) 都有9折優惠，更加抵食！
-👍🏻芝麻雞 $188/半隻
呢度招牌必食嘅傳統菜式！可以做到成隻雞都沾滿密密麻麻嘅芝麻仲要唔甩，真係好考功夫花時間
火喉亦控制得好好，雞皮薄身香脆，雞肉咬落仍然鮮嫩多汁，完全做到皮脆肉嫩口感，雞味濃郁同時又食到芝麻香，超正！
配上日式芝麻醬，不過雞肉本身已經有鹹香，就咁食都好好食
雖然密集恐懼症人士表示有啲驚，但真係值得一試
味道：9/10
性價比：7/10
-👍🏻蜜椒薯角牛柳粒 $88
近年大排檔必嗌菜式，但呢度比較特別，連牛柳都有脆漿包住，表面炸到微微脆
牛柳食到牛味，肉質軟嫩有彈性，冇筋唔會太韌/拿到腍
沾上蜜糖，甜甜地又有黑椒味，好好食！
薯角亦炸到外脆內軟，大小適中，加上甜甜地嘅蜜糖脆皮，冇得輸
味道：9/10
性價比：8/10
-👍🏻招牌欖角骨 $88
呢樣比較傳統少見，一上枱已經聞到好香
本身擔心啲肉會好痴骨/好乾柴，但呢個完全唔會
肉質非常鬆軟，肥瘦適中，尤其近骨嘅肉，肉味更加香濃
最正係一樣炸到微微脆，真係估佢唔到，好有驚喜！
味道唔似一般欖角咁鹹，反而甜甜地帶微酸，欖角味就唔算好重
份量都合理，唔會剩係得骨冇肉食
味道：9/10
性價比：8/10
-👍🏻鮮菠蘿咕嚕肉 $98
同樣係驚喜之作！賣相好有霸氣，連埋菠蘿上枱
咕嚕肉外皮好脆口但唔厚粉，肉質鬆軟，充滿豬肉香，舊肉仲幾大粒下
特別係用咗新鮮菠蘿而唔係一般常見嘅罐頭菠蘿，菠蘿清香酸甜多汁，而且咕嚕汁酸甜度都啱啱好
唔係得個擺盤整色整水個啲，好食
味道：9/10
性價比：8/10
-👍🏻秘製醬油厚豬扒飯(包嘢飲) $58
除咗小菜，呢度每日5:30pm前會有超抵食嘅碟頭飯供應
厚切豬扒超巨型直頭大過塊面，一上枱真係嚇親
肉質比想像中鬆軟好多，完全唔韌唔乾柴，豬肉味香
加上燶邊荷包蛋，飯粒撈埋蛋汁同秘製甜醬油冇得輸
整體超大碟， $58嚟講性價比好高！
味道：8/10
性價比：9/10
-整體無論地道懷舊菜定創新菜式味道都好好，款式同做法亦特別唔常見
價錢唔貴，大排檔小菜價錢但有酒樓嘅水準，性價比高👍🏻
環境裝修走街坊平民路線，好似一般茶記咁，人多可以上閣樓坐大圓枱
另外一提呢度唔收開瓶費同切餅費，同屋企人/長輩嚟慶祝生日都好適合
-
🔺留意午市同晚市嘅9折優惠只限星期一至四 (海鮮及預訂菜式除外)
-📍#喜滿樓菜館 ＠joyfulcatering2
土瓜灣安徽街2號地舖
張貼
