吉列牛忌廉烏冬專門店 (百樂中心) (已結業)

百樂中心成棟都係餐廳，今次就嚟左吉列牛忌廉烏冬專門店。好幾次晚餐時間嚟都無位，今次特登等佢中午一開門就到。咖喱忌廉雞肉烏冬 $78忌廉烏冬因為係咖哩有微微辣，但真係好少好少，所以同我一樣唔係好食得辣嘅朋友都可以叫嚟試吓。一嚟到已經係滿滿的忌廉蓋住入邊的咖喱雞肉同烏冬。即刻心唸，慘啦 咁多忌廉，肯定好溜。點知食落又唔係喎，忌廉同咖喱汁攪勻之後，好似中和左咁。另外，雞肉都好滑。美式頂級牛里脊套餐 $178本身想叫吉列牛，但係見到佢有隻肉質更加好的牛里脊，即管試試佢啦。套餐有頂級牛里脊、大啡烤菇同秘製醬汁。牛里脊上枱的時候，已經烤到大約三成熟，咁我哋可以因應自己的喜好再決定煎到幾成熟。大啡烤菇上面有層薄薄的芝士，煎到芝士溶咗就食得。鹹蛋薯條 $38 鹹蛋薯條配左黑松露醬。鹹蛋薯條係真材實料用鹹蛋黃去炸，食到一半見到一嚿嚿嘅蛋黃係入邊。