影片
更多
2017-08-15
50 瀏覽
去到旺角一間酒吧，係我最愛嘅白色門面裝修，餐廳門口仲可以泊車，係入面食都望到出嚟，好方便。酒吧餐廳入面以木為主，裝修比較樸素舒適，燈光昏暗，頗有浪漫情調，見到幾乎滿座，Happy Hour 同埋談心嘅好地方。餐廳酒吧嘅手工啤酒好出名，所以專程來試吓。我哋坐高枱位置，餐牌除咗有手工啤酒之外，仲有唔同款式嘅cocktails，同埋小食pizza等等。小食我就叫咗「大和東望洋雞翼」，雞翼好大隻賣相好靚，連埋雞翼尖有我手板咁大隻，見到雞翼表面有啲香草，聞落去好香，望落去好脆口，食落去好新鮮，雞翼嘅肉汁滲晒出嚟，真係即叫即炸，而且味道啱啱好，唔會太鹹，唔錯唔錯。之後叫咗店舖推介嘅「竹炭薄餅」，我哋選擇咗「麻婆烤雞辣肉碎竹炭薄餅」，呢款係新產品，所以試吓。竹炭Pizza一共切開成八件，賣相好似竹炭嘅黑色為主，出面都食唔到咁嘅款式pizza，面頭有厚厚嘅芝士，再配以蘑菇、烤雞同埋香草粉等等嘅配料，食落去餅底好薄，咬落去好香脆可口，配搭埋有少少麻辣味道嘅雞肉一齊食，好有口感而且好滋味。手工啤酒方面叫左一杯「前程錦繡All the best session pale ale」，呢一款手工啤酒易入口，泡沫
去到旺角一間酒吧，係我最愛嘅白色門面裝修，餐廳門口仲可以泊車，係入面食都望到出嚟，好方便。酒吧餐廳入面以木為主，裝修比較樸素舒適，燈光昏暗，頗有浪漫情調，見到幾乎滿座，Happy Hour 同埋談心嘅好地方。
餐廳酒吧嘅手工啤酒好出名，所以專程來試吓。我哋坐高枱位置，餐牌除咗有手工啤酒之外，仲有唔同款式嘅cocktails，同埋小食pizza等等。
小食我就叫咗「大和東望洋雞翼」，雞翼好大隻賣相好靚，連埋雞翼尖有我手板咁大隻，見到雞翼表面有啲香草，聞落去好香，望落去好脆口，食落去好新鮮，雞翼嘅肉汁滲晒出嚟，真係即叫即炸，而且味道啱啱好，唔會太鹹，唔錯唔錯。
之後叫咗店舖推介嘅「竹炭薄餅」，我哋選擇咗「麻婆烤雞辣肉碎竹炭薄餅」，呢款係新產品，所以試吓。竹炭Pizza一共切開成八件，賣相好似竹炭嘅黑色為主，出面都食唔到咁嘅款式pizza，面頭有厚厚嘅芝士，再配以蘑菇、烤雞同埋香草粉等等嘅配料，食落去餅底好薄，咬落去好香脆可口，配搭埋有少少麻辣味道嘅雞肉一齊食，好有口感而且好滋味。
手工啤酒方面叫左一杯「前程錦繡All the best session pale ale」，呢一款手工啤酒易入口，泡沫圓滑，飲落去有藍莓同埋木瓜嘅味道，仲有玫瑰花香添，好特別嘅手工啤酒系列。
我朋友就叫咗「where's Mine」嘅Cocktail，有幾塊檸檬片係入面，再加少少酒，飲落去幾清甜，酸酸嘅味道好開胃。
埋單都只係＄400有找，可以飲杯嘢食下小食Relax吓，唔錯嘅一個收工傾計relax好地方。
張貼
