金祥排骨麵大王 (已結業)

本來諗住食附近間青藏麵，但係搵唔到喎，咪過來呢間試下囉。我地叫左一碗排骨雲吞麵同一碗菜膽魚卷麵。排骨不愧為招牌菜，炸得好香，又腍又唔太肥膩，個雲吞就普通啦，不過都唔錯，碗麵又有好多菜，好鬼大碗。另一碗麵都係咁鬼大碗，落足料，但魚卷梗係冇ｄ排骨咁好味啦。呢間野個阿姐好好招呼，我地臨收工先來仲要諗鬼咁耐先落單佢都面帶笑容，以呢ｄ街坊麵家來講真係好難得。