川霸王 (已結業)

喺早幾年前嘅觀塘如果要搵嘢食嘅話通常都只係會諗到APM，😉但自從餐廳林立越來越多而且款式越嚟越豐富之後更加吸引大大小小。 就好似鴻圖中心呢一度裏面充滿唔同國家菜式嘅餐廳，就好似一個food court咁樣。😌咁多間裏面川霸王除咗係食辣之外仲要係夠晒香😜霸王水煮魚— 🌶除咗酸菜魚之外水煮魚亦都係一味集合香辣軟滑同埋刺激，大大個碗除咗有一塊又一塊厚厚嘅魚🐟之外點少得一大堆辣椒作湯底同埋有芽菜同寬粉。🌶圖嗰度顯示嘅就係中辣，🌶香氣十足，即使顏色上紅噹噹但都唔會令人辣到要止步，反而白湯可以配合附送嘅白飯撈埋變湯飯咁亦都係幾正嘅配搭。🌶先講魚肉，白滑無骨啖啖肉，即使喺熱湯裏面浸泡但仍然無阻佢厚實嘅肉身，🐟比起酸菜魚會再厚一啲，撈埋辣椒一齊食仲香仲正。至於底嘅芽菜同埋寬粉就帶嚟小清新，同樣都係撈勻左水煮湯底，格外香，辣到呢就適中，一個價錢就已經有大大碗嘅水煮魚再配埋白飯，抵🫶🏻霸王孜然雞翼— 🐥香港除咗土肥雞翼出名之外孜然雞翼都係一個深受喜愛之選，少少辣多多惹味。🐥尤其熱辣辣嗰陣時食，更加將雞肉同孜然粉融為一體，夠晒過癮🐥涼拌小青瓜— 🥒喺夏天當然要食一啲瓜類嘅小食來消暑，涼拌青瓜就絕對係不二之選