Cafe Paradise (砵蘭街) (已結業)

約咗朋友去買魚，點知佢臨時有事，失約，仲叫我幫佢買對金羅漢，夜啲拎上去佢屋企。買完魚，見仲有時間，就周圍逛下，順便食埋晚餐先上佢屋企。來到港鐵站口的另一邊，呢度成條砵蘭街開咗好多食肆。一個人食，揀食西餐會方便啲。呢間門面睇嚟唔錯，就呢間吧。餐廳裝修唔錯，尤其吸引嘅係紫色梳化，好搶眼的，仲有啲巨型Bear Bear 公仔做擺設。晚餐set 有8款選擇，百零蚊印有交易，不過我無揀到。我揀咗，職員推介的餐廳招牌小食 【美式水牛城雞翼】，另外，叫多個【巴拿馬火腿牛肝菌醬意大利飯】。飲品就叫咗杯【白牛】。 【白牛】平時多數會飲黑牛，白牛都係第一次飲，即係忌廉梳打加雲呢拿雪糕。飲落無黑牛嘅朱古力雪糕味咁甜，反而仲啱我口味。 【美式水牛城雞翼】 一碟有4大隻。外層被特別醬汁封鎖住，仲有少少香草喺上面添。個醬汁甜甜地，辣辣地，好惹咪。咬落去，雞翼外層係脆口的，而裡面的雞肉就鮮嫩、入味。果然稱得上招牌小食! 【巴拿馬火腿牛肝菌醬意大利飯】賣相唔錯，牛肝菌醬的氣味好特出，離遠都可以聞得到。巴拿馬火腿鹹鹹香香的，非常滋味好食。意大利飯燴咗牛肝菌醬，味道濃郁，但又唔覺得漏。而飯亦有特別的咬口。時間啱啱好，食完