明記海鮮潮州菜館 (天保大廈)

營業中

休息中

呢間鹵水已經係旺角食過好多次，同朋友都好鐘意黎。行過荃灣想食，又再幫襯了~鹵水拼盤叫左墨魚同豬耳，因為都鐘意食爽口既野，佢既鹵水好入味，唔會死鹹之餘仲有淡淡的香料味~椒鹽九肚魚佢既九肚魚炸完依然好滑，加埋椒鹽好惹味，令人食到停唔到口蠔仔肉碎粥(小)呢到雖然係細份，但都好夠兩個人SHARE黎食。佢蠔仔份量好多，啖啖都有，真係超滿足~ 蠔仔亦都十分鮮甜，好正!石鍋啫啫油麥菜油麥菜上台既時候好熱，岩岩整起，菜都特別爽脆! ~最後飲埋杯XL凍檸茶，入面好多塊檸檬，超夠味，超滿足。