人和月雞煲火鍋店 (已結業)

呢度有招牌，酥皮芝士雞煲，見到出面係冇嘅非常吸引！ 仲有得揀唔同嘅牛，所以同老公嚟咗呢度食。自助吧，有好多嘢食拎！頭盤酥皮麻辣芝士雞煲巨型嘅酥皮，入邊係香濃麻辣芝士雞，有得揀辣度，我哋揀咗BB麻辣，我配埋個酥皮真係幾新穎。食完之後再揀個湯底去打邊爐，我哋揀咗胡椒豬肚湯底，胡椒味道香濃，豬肚份量亦都好多。火鍋配料有好多，牛肉方面有雪花肥牛、牛胸爽、牛下肩、牛板腱等，特別推介牛胸爽，充滿油脂爽口彈牙牛味濃郁。上菜速度好快一定可以食過夠。其他火鍋配料如墨魚滑、蝦滑等，質素亦都好高。飲品方面罐裝飲品，自家製嘅梅茶、洛神花茶等，選擇亦都好多。整體質素亦都好高價錢亦都好合理，下次會再食。