我要烤魚

營業中

休息中

天氣凍冰冰，所以同屋企人去咗銅鑼灣依間「我要烤魚」，今次一於Order最招牌口味嘅烤魚同埋串燒暖笠笠嚇先，不得不說，燒生蠔CP值好高。*此餐廳收取加一服務費。重慶麻辣烤魚（單點$328），中辣、清江魚，表面鋪有紫洋蔥、芫荽、芹菜、辣椒、辣椒乾、花生、芝麻，魚皮口感香脆，魚肉肉質肥美，口感嫩滑，味道鮮甜，辣度6分；日本黑魔芋，口感煙韌，食落好入味；配料包括有大豆芽、土豆片、蓮藕片、娃娃菜、萵筍片，口感爽脆。半份手切美國牛小排（單點$68），油花分布均勻，食落油脂味濃。蒜蓉菜脯燒元貝（兩只$56），表面鋪有菜脯碎、蒜蓉、香蔥，元貝食落有鮮味，略嫌元貝肉質比較瘦削。泰式墨魚須 （兩串$32），墨魚須肉質爽口、厚肉，配以泰式酸辣汁食用，食落好惹味。蜜糖燒雞翼（四隻$32），雞翼好大只，表面裹滿蜜糖，味道香甜。粟米墨魚餅（單點$28），墨魚餅口感彈牙，內有粟米，配以泰式甜辣醬食用，味道更佳。陀地燒生蠔（兩只$24），生蠔肉質飽滿，配以菜脯碎、蒜蓉、香蔥食用，食落好香口。大大啖百香果水果茶（單點$38），內有百香果、檸檬、香橙，茶味濃香。菠蘿青檸梳打（單點$28），內有菠蘿蓉、青檸，飲落好清爽。