La Postre (永樂街) (已結業)

朋友們經常提起這個招牌窩夫，聽落吸引，講多兩講的確有想吃的衝動。衝動就要行動！到了餐廳位於上環的分店，鄰近地鐵站，非常方便。餐廳裝修具西式風格，一行六人被安排到寬敞的座位，大家圍住傾計，都幾舒服。餐牌食物以西班牙菜為主，前菜，小食，主菜，甜品等選擇豐富。飲品亦有咖啡，酒類及花茶。牛肉墨西哥玉米片 $108玉米片上醬汁香濃又豐富，芝士蕃茄加上肉碎非常惹味，加上脆脆的玉米片，食到停唔到口。黑松露薯條 $68黑松露醬味道突出，平時食薯條都會食到唔夠醬，今次餐廳比足兩個醬，夠貼心。薯條是厚切的，而且熱辣辣。龍蝦燉飯 $298原隻大龍蝦燉飯賣相吸引，而且龍蝦已開邊，方便食用。燉飯黏黏地，味道香濃，入口有點似意大利飯，口感討好。虎蝦墨魚汁意粉 $128這個墨魚汁意粉雖然顏色黑沉沉，但入口香滑，非常creamy，感覺都幾溜。意粉幼身頗彈牙，另外還有三隻開邊虎蝦。朱古力布朗尼窩夫 $98窩夫是這裡的招牌菜，不可不吃。窩夫上有一大球朱古力雪糕，棉花糖，布朗尼和Oreo餅，十分豐富。窩夫切開時非常香脆，口感一流。餐廳的窩夫的確非常吸引，用料豐富，製作精美，並非浪得虛名，難怪客人即使只吃窩夫也慕名而來。