嚐仙 (已結業)

夜晚同朋友食完晚飯仲想換個地方傾多陣計，就去咗食糖水，揀咗食台灣芋圓甜品鋪。夜晚宵夜時間都好多人食！叫咗一碗雙芋仙草奶凍，$47，2個人share食！份量都幾多，而且芋圓都幾飽肚，所以2個人share食比較好。呢款甜品係招牌，餐牌都show咗佢個樣出嚟。入面有芋泥、芋圓、紅豆、珍珠同仙草凍，另外鮮奶分開上，按自己需要而加，加咗鮮奶之後個人覺得更好味。紅豆好甜好淋、芋圓都幾煙韌。不過留意嘅有啲冰塊係底下，$47，2個人食嘅話都幾抵食。