林德記麵食

營業中

休息中

林德記呢個名字真係住過上水嘅人都一定識，而我就細細個，由佢未上市政大樓已經食佢。呢日趁放假又去食佢馳名嘅腩汁牛腩/雞翼麵，一行三人叫3 碗唔同嘅，可以大家分少少嚟試▶️牛腩雞翼河 - 牛腩炆到好淋，滷水雞翼好入味▶️牛肚雞翼麵 - 牛肚爽口而不韌▶️牛筋雲吞麵 - 牛筋偏淋，口感就還可以▶️熱奶茶 - 熱飲$9 我相信平絕全城，但奶茶就一般，茶味同奶味都唔夠，下次試吓佢嘅咖啡或者檸茶又如何？！總結：咁多年味道依舊不變，尤其係佢底腩汁，阿姐每一碗都會問加唔加腩汁，加咗就當然令到碗麵更入味！下次會再過嚟試埋佢嘅豬手同埋雞腳！