Chop Chop 食神叉燒 (宏安道) (裝修中)

外賣有原個砂窩煲仔飯，Gimmick滿分，送到上門打開仲熱都值得一讚！不過日本肥牛窩蛋煲仔飯 $120隻蛋已經全熟（我都明比隻生蛋又好似唔合衛生，係我有不切實際既期望，但我叫窩蛋真係諗住有得撈蛋汁...）而另一主要食材日本肥牛係牛肉粒，肉質偏韌，呢個仲要係全餐廳最貴果款，加啲紫菜同洋蔥就變東洋風？真係令我非常失望！另一款煲仔飯係北菇臘腸雞 $80，賣相吸引好多，望落都覺得多餸！不過我無食到，朋友話正正常常。另外叫份食神腩叉燒 例牌 $119，望落半肥瘦，肉質唔錯，但唔知係咪因為底有層油定蜜糖，食落好痴牙！味道又無乜特別，所以大家都對呢個招牌叉燒興趣不大。*以上價錢為堂食原價，外賣平台 價格有加有減，但因為朋友落單，所以忘記確實價錢。