華香雞 (已結業)

華香雞雙拼茶香雞夜晚決定食多啲蛋白質，於是就加錢買足半隻雞。開心係可以雙併，一次過食哂兩隻味道。華香雞係黃色皮果種，茶香雞就係啡色果隻。華香雞整得起好食，雞皮滑之餘，皮下面有一層透明滑嘟嘟的啫喱狀膠質，入口口感味道好過癮。雞肉嫩滑。茶香雞有陣淡淡嘅煙燻味道，所以雞肉就乾少少，但吾係鞋身，入口都好味。雞湯白菜一入口好肯定係無味精嘅，雞湯底都幾清，白菜係白菜仔，都煮得幾冧身，份量都幾夠兩個人食，價值只係$25，係我見過最抵食嘅菜。欖角白鱔飯套餐平時吾會自己有心機整白鱔，就一於食一食。欖角的味道其實都吾係太知係咩，但有啲似欖菜炒四季豆果種醬料嘅flavour，味道濃啲啲就襯返白鱔白肉嘅味道。熱奶茶🥤無諗到賣雞嘅鋪頭奶茶都沖得幾好，有茶味、吾會比奶味 cover 哂。