Catch.

營業中

休息中

已經係第二次黎哩間餐廳。餐廳定價同高街嘅餐廳比較，相對較高，而且地點唔算好熱鬧，所以就算Lunch time 都坐唔滿。每個餐都包餐湯/沙律、甜品同飲品。朋友遲少少到，我落咗單先。職員放低餐湯之後，過咗一陣，見我朋友仲未到，問我洗唔洗收起個湯先，等到朋友到咗再serve過，好細心。SPICY CRAB PASTA哩個係佢個招牌菜，蟹肉天使麵。先講個賣相，淨係個擺盤已經拎滿分💯🦀意粉醬汁唔係平時好creamy嘅意粉醬，帶少少辣，落單嘅時候，已經同職員講咗要小小小小小小小小辣 😆蟹肉混合喺意粉入面，雖然唔係creamy意粉醬汁，但同樣可以掛汁，而且好惹味，再配上少少辣味，食唔停口，越食越好食。真心推薦 👍🏻CHARRED CORN RISOTTO係一個素食意大利飯。米嘅口感做得好好，有少少咬口。同意粉相比，意大利飯就做得creamy啲，但食落一啲都唔膩，同樣推薦 😋兩款食物比較，意粉嘅味道就相對會豐富啲。最後，午餐送上藍莓芝士蛋糕 🍰甜度岩岩好，份量都岩岩好😆為午餐畫上完美句號。