影片
更多
2022-04-03
37 瀏覽
榆越係天水圍開左一段時間，一直都無機會試，最近聽街坊講佢地食物質素唔錯，價錢又親民，就打算黎試下啦。我地一行兩人，叫左一份法包同幾個小食。越南炸蝦餅 （六件）:炸蝦餅係我最喜歡既小食，一碟總共有六件，以＄36黎講算係好超值。蝦餅炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋酸辣汁食，風味十足，真係好好味。酸辣無骨鳳爪 :鳳爪對於我來講係東南亞菜裡面著名小食之一，怕骨既我最喜歡就係呢個酸鳳爪，食落非常爽口，唔洗吐骨之餘味道仲酸酸地咁，好開胃，令人食完一隻到一隻。越南香茅蔗蝦 （4件）:蔗蝦好大條，材料足，蝦肉非常彈牙，甘蔗多汁清甜，值得一讚。越式大蝦沙律 :天氣開始熱，食沙律消暑就最好不過了，呢個越南風味嘅沙律有大蝦、椰菜絲、青瓜、車厘茄同埋蛋，再加入青檸汁，味道酸酸地，令人食得非常開胃。雞絲扎肉越式法包 :法包賣相非常精美，呢度嘅法包係自家製，有大約一隻筷子咁長，食落外脆內軟，入口鬆軟濕潤，法包包住雞絲同扎肉，加入蕃茄、青瓜、芫荽、九層塔、牛油、豬乾醬同埋泰式辣醬，整體配搭唔錯，最值得一讚嘅係店員上菜後等我地相機食先先再幫我地將法包切開，咁我地食嘅時候就方便好多
我地一行兩人，叫左一份法包同幾個小食。
越南炸蝦餅 （六件）:炸蝦餅係我最喜歡既小食，一碟總共有六件，以＄36黎講算係好超值。蝦餅炸得剛剛好，外層金黃夠脆，入口爽口彈牙，口感十足，鮮蝦味道夠重，再配埋酸辣汁食，風味十足，真係好好味。
酸辣無骨鳳爪 :
鳳爪對於我來講係東南亞菜裡面著名小食之一，怕骨既我最喜歡就係呢個酸鳳爪，食落非常爽口，唔洗吐骨之餘味道仲酸酸地咁，好開胃，令人食完一隻到一隻。
越南香茅蔗蝦 （4件）:
蔗蝦好大條，材料足，蝦肉非常彈牙，甘蔗多汁清甜，值得一讚。
越式大蝦沙律 :天氣開始熱，食沙律消暑就最好不過了，呢個越南風味嘅沙律有大蝦、椰菜絲、青瓜、車厘茄同埋蛋，再加入青檸汁，味道酸酸地，令人食得非常開胃。
雞絲扎肉越式法包 :
法包賣相非常精美，呢度嘅法包係自家製，有大約一隻筷子咁長，食落外脆內軟，入口鬆軟濕潤，法包包住雞絲同扎肉，加入蕃茄、青瓜、芫荽、九層塔、牛油、豬乾醬同埋泰式辣醬，整體配搭唔錯，最值得一讚嘅係店員上菜後等我地相機食先先再幫我地將法包切開，咁我地食嘅時候就方便好多。
埋單每人都係＄100，可以試到咁多唔同嘅食物，坐得又舒服，都算係性價比高。
張貼
