妹記佩蘭鹵水鴨專門店 (已結業)

今日黎香港仔接男朋友收工，跟住去左鴨脷洲覓食。最後入左妹記佩蘭鹵水鴨專門店食午餐。我叫左煎蛋雞扒飯，少飯。佢就食鹵水鴨飯。煎蛋雞扒飯，$38，好普通，無甚特別。飯好乾，雞扒份量唔多，乾爭爭。鹵水鴨飯，$38，好食好多，但到未到令人驚豔，想再黎食多次既感覺。鹵水好好送飯，鹵水鴨整得唔錯。再叫多左個奶醬厚多士，$12。奶醬搽得幾多，只係多士烘得唔夠脆姐。我地仲叫左支大支裝可樂飲，$12。食到後尾，竟然出面有人排隊。可能呢間夠平價啦。