荔香園冰室 (已結業)

旺角嘅女人街，仲有呢一間特色嘅冰室🥰望落去裝修好新淨，而且仲有港式嘅懷舊風格~菜單嘅選擇都幾豐富🤓有晚餐嘅鋸扒，焗飯，或者係港式嘅多士，小食都有齊。選擇咁多，既然係dinner time，就試吓佢哋嘅招牌小菜先！試咗佢哋嘅芝士焗西蘭花，同埋招牌USA黑椒牛柳粒，兩個嘅出品都好好👍黑椒牛柳粒好有鑊氣，加埋青椒，同埋薯仔粒🥔更加豐富嘅口感。牛柳粒都好鮮嫩，食落去都幾彈牙，有口感。而芝士焗西蘭花亦相當唔錯，🥦西蘭花嘅硬度適中，而且上邊有拉絲嘅芝士，認真邪惡。下面都落咗少少雞湯浸住，唔會驚過乾😍服務員嘅態度好好，女職員嘅招呼非常之溫馨，令我倍感窩心。