寶蓮寺小食亭

營業中

休息中

去完大嶼山睇大佛，一定要去呢個小食亭買佢地啲齋食。今次同朋友一齊叫左好多款唔同嘅小食，包括蘿蔔糕、甜糕、春卷、芋角、齋鹵味、炒米粉同豆腐花。蘿蔔糕不會好粉，加上辣醬一齊食，味道唔錯。齋鹵味有多款：有酸齋、齋叉燒、咖哩齋，而當中較為好食嘅係齋叉燒，爽口得嚟又有少少甜味。炒米粉味道都不錯，唔會好淡，但係唔夠熱，如果可以再熱返啲嘅話應該會仲好食！豆腐花就每次必食嘅，很嫩滑。小食亭啲食物價錢其實唔貴，所以成日會唔小心買多左。不過佛堂之地切記唔好浪費。坐低食嘢嘅地方主要係露天，冬天去要注意保暖！！