影片
更多
2024-06-27
167 瀏覽
諗住去車公廟拜神，拜神前要醫左肚先叫咗兩個餐：一個係豬肉，有豬腩肉、大腸、豬皮等等；第一個係牛肉。我曾經喺韓國食過一次燒豬皮，實在驚為天人，所以今次見到豬肉餐入邊有豬皮，就毫不猶豫叫咗啦。頭先上咗五個小小的前菜，有泡菜、醃蘿蔔、醃海藻、芽菜同埋薯仔沙律，我係薯仔腦袋，超鍾意薯仔沙律，另外我覺得醃海藻同埋泡菜都唔錯。兩個餐都包咗一半牛肉拌飯，入邊嗰醬汁加埋溫泉蛋同埋蔥撈埋一齊，都幾好食，個醬汁有少少辣辣地，比較惹味。我覺得豬肉餐入邊嘅豬腩肉都幾嫩，燒完出嚟點埋醬汁都幾好食大腸就不過不失啦冇乜特別。反而豬皮比較令我失望，其實個豬皮唔係太差，但因為我喺韓國食過好好食嘅豬皮，所以佢就令我有啲失望。佢嘅豬皮未刮走晒所有嘅油脂，所以食落口仲係有少少油膩。我反而覺得牛肉餐嘅牛肉正正常常，冇豬肉餐入邊嘅豬腩肉咁令人驚喜。飲品方面，我叫咗菠蘿梳打同埋百香果柚子梳打，兩款飲品都做到解油膩嘅效果。總括嚟講，我覺得呢餐都幾滿意，如果豬皮再做好啲就更好啦！
叫咗兩個餐：一個係豬肉，有豬腩肉、大腸、豬皮等等；第一個係牛肉。我曾經喺韓國食過一次燒豬皮，實在驚為天人，所以今次見到豬肉餐入邊有豬皮，就毫不猶豫叫咗啦。
頭先上咗五個小小的前菜，有泡菜、醃蘿蔔、醃海藻、芽菜同埋薯仔沙律，我係薯仔腦袋，超鍾意薯仔沙律，另外我覺得醃海藻同埋泡菜都唔錯。
兩個餐都包咗一半牛肉拌飯，入邊嗰醬汁加埋溫泉蛋同埋蔥撈埋一齊，都幾好食，個醬汁有少少辣辣地，比較惹味。
我覺得豬肉餐入邊嘅豬腩肉都幾嫩，燒完出嚟點埋醬汁都幾好食大腸就不過不失啦冇乜特別。反而豬皮比較令我失望，其實個豬皮唔係太差，但因為我喺韓國食過好好食嘅豬皮，所以佢就令我有啲失望。佢嘅豬皮未刮走晒所有嘅油脂，所以食落口仲係有少少油膩。
我反而覺得牛肉餐嘅牛肉正正常常，冇豬肉餐入邊嘅豬腩肉咁令人驚喜。
飲品方面，我叫咗菠蘿梳打同埋百香果柚子梳打，兩款飲品都做到解油膩嘅效果。總括嚟講，我覺得呢餐都幾滿意，如果豬皮再做好啲就更好啦！
張貼
