影片
更多
2019-05-18
31 瀏覽
這個星期夜晚氣温跌至19度，已步入五月都咁凍放工即興同同事打邊爐。論暖身之最首選辣火鍋，除了大熱的台式火鍋，富中國鄉土特色的火鍋店也漸漸冒起。同事話養心殿、馬辣都滿足唔到佢，尋尋覓覓上網揾到這家專做重慶麻辣火鍋的店。看到中國風的正門就知地方走對了，店內點點星空光的天花好不浪漫。湯底款式不算多，可都是自家製作，有別於火鍋醬開出的湯底。必試既麻辣湯底有幾種辣度，啤酒妹推介先試小辣 (近似三哥五小辣)。想灼菜嫌麻辣湯太油加錢轉鴛鴦鍋，同事揀左未聽過的酸蘿蔔鴨湯。原來麻辣湯送一碟重慶配料，有數片鴨血‧大豆芽‧蔥段，鴨血份量已經等如半份即係慳左$24! 湯底用數款辣椒爆香，包括港人好熟悉的燈籠椒‧辣椒乾‧花椒，滾起甫嗅到麻辣香氣。職員提醒拉車上有圍裙可以隨便用，以免麻辣火鍋的牛油沾污衣物。 另一邊的酸蘿蔔鴨湯展現材料原味，清爽滋補，沒想過微酸的湯比汽水更解辣。湯底中有四份一隻鴨，都幾厚肉咬都不鞋口。食評蠻多人推介黑松露餃果然有料到! 外層雲吞皮超滑久煮都不爛，黑松露味更加係濃到上鼻。同事食畢再encore，兩人至少要點全份先夠。再來係打卡必備盛肉拼盤，係menu上價錢較高既食物。其實佢仲有海鮮拼
這個星期夜晚氣温跌至19度，已步入五月都咁凍放工即興同同事打邊爐。
論暖身之最首選辣火鍋，除了大熱的台式火鍋，富中國鄉土特色的火鍋店也漸漸冒起。同事話養心殿、馬辣都滿足唔到佢，尋尋覓覓上網揾到這家專做重慶麻辣火鍋的店。
看到中國風的正門就知地方走對了，店內點點星空光的天花好不浪漫。
湯底款式不算多，可都是自家製作，有別於火鍋醬開出的湯底。必試既麻辣湯底有幾種辣度，啤酒妹推介先試小辣 (近似三哥五小辣)。想灼菜嫌麻辣湯太油加錢轉鴛鴦鍋，同事揀左未聽過的酸蘿蔔鴨湯。
原來麻辣湯送一碟重慶配料，有數片鴨血‧大豆芽‧蔥段，鴨血份量已經等如半份即係慳左$24!
湯底用數款辣椒爆香，包括港人好熟悉的燈籠椒‧辣椒乾‧花椒，滾起甫嗅到麻辣香氣。職員提醒拉車上有圍裙可以隨便用，以免麻辣火鍋的牛油沾污衣物。
另一邊的酸蘿蔔鴨湯展現材料原味，清爽滋補，沒想過微酸的湯比汽水更解辣。湯底中有四份一隻鴨，都幾厚肉咬都不鞋口。
食評蠻多人推介黑松露餃果然有料到! 外層雲吞皮超滑久煮都不爛，黑松露味更加係濃到上鼻。同事食畢再encore，兩人至少要點全份先夠。
再來係打卡必備盛肉拼盤，係menu上價錢較高既食物。其實佢仲有海鮮拼盤，只是我唔食刺身所以揀肉類。
安格斯牛小排: 雪花牛♡肉味為整個拼盤中最濃，牛油味濃厚肥都要食
安格斯牛板腱: 牛𦟌位以筋肉相間見稱，牛味比牛小排輕但肉質更爽口
紐西蘭羊肉: 羶味甚少肉質細嫩，但食羊既人略嫌唔夠重味
西班牙黑毛豬: 脂肪彈口油份少，像是咀嚼豬頸肉的口感，配清湯更能吃到鮮味。
一盤有齊來自五湖四牛羊豬，價錢還可以但如果包埋雞肉就更實惠。又或早離場/食宵夜場有折CP值更高。
吸湯之最蜂巢豆腐一定要放入麻辣湯，睇住奶白的豆腐轉為啡色，吸盡香料好惹味! 但若果你怕油膩，可以點另一款重豆味的黑豆腐。
我大愛的蝦滑擺盤成一份甜品，蝦滑等於一個拳頭般大，價錢都只係$78。最最最開心係蝦滑混入啖啖大粒蝦肉，係我食過最彈牙的蝦滑
另外我地再叫左蔬菜，雜錦丸類等等。丸類中以特色丸最值得試。半份的菜份量也不細，算係抵食。
麻辣鍋小辣程度個人接受到，但蔬菜芽菜吸辣油的就要放入鴨湯灼。大部分自家製食材鮮味足配淡味湯就最正，不過如你喜歡香濃味既就要配麻辣火鍋，各取所需。
下次有gathering約多幾個朋友share湯底更抵食啦。
張貼
