拾味正宗刀削麵館 (渣甸街)

營業中

休息中

之前都唔覺原來銅鑼灣都有一間拾味山西刀削麵館，今晚經過就決定係度食晚餐。餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，滋味小食等等。飲品有常見茶記冷熱飲品。刀削麵可轉拉麵，米線或者年糕。每人一碗刀削麵自由配，麵餸分開上。刀削麵係粗身扁狀帶少少不規則，熱湯刀削麵軟硬度適中，個湯好熱，超辣嘴，走左辣，味道好清淡，可以自己再加調味。蔥花芫荽另上係匙羹。呢碗轉左拉麵，拉麵係幼身白色麵，都滑溜，質感可以。配牛展就$58，一客有9片，叫左走辣，醬汁就係豉油味。牛展係薄切，不過都淋既。配越式春卷就$60。越式春卷一客六條。炸得又脆皮又薄，好似有好多薄薄層次，入面料係正常。伴有甜酸醬，可降溫，下底墊有生菜一片。涼拌海帶絲 $22小食叫左涼拌海帶絲，蒜蓉量適中，味道唔錯，質感脆口。星期五夜晚六點幾七點好多人，七點走見到人龍。