影片
更多
2016-10-17
2534 瀏覽
前日(15-10-2016 Sat)接老公放工同食個晏後至去海洋公園,我揀o左呢間,因有all day breakfast.由於放工時間,食客好多,老公亦已坐低,睇睇menu,冇特別註明有all day breakfast,要自己仔細睇個餐有咩o野.原來係餐牌中$88.00 o既L餐.老公就揀$69.00o既燒汁煙鴨胸天使冷麵.我o地揀唔使加錢o既飲品－百香果綠茶同熱貢菊蜂蜜綠茶.冇耐,我o既凍百香果綠茶先到o黎,百香果味香,綠茶味唔太出,不過OK o既.然後老公o既熱貢菊蜂蜜綠茶到o黎,我飲唔到菊花o既味道,覺得係唔太甜o既綠茶.之後,老公o既燒汁煙鴨胸天使冷麵到o黎,天使冷麵係雪到好凍,夏天食一定好正,個麵爽口,帶有啲啲硬,而我o地覺得佢落o左沙律醬撈勻,天使冷麵係”漿”住入口.而燒汁煙鴨胸呢,我只食到甜甜o既煙鴨胸佢o地應該加o左蜂蜜吧.我o既all day breakfast到o黎,係檸汁煙三文魚田園沙律配野菌牛乳滑蛋, 蜜糖雞中翼2隻,火腿,煙肉,雞肉香腸同牛角酥.先食野菌牛乳滑蛋,個蛋真係好滑,而且重有蛋汁,牛角酥仍暖而且外面仍脆,食到點點牛油味,但感覺又唔太油膩,唔錯.蜜
睇睇menu,冇特別註明有all day breakfast,要自己仔細睇個餐有咩o野.原來係餐牌中$88.00 o既L餐.
老公就揀$69.00o既燒汁煙鴨胸天使冷麵.我o地揀唔使加錢o既飲品－百香果綠茶同熱貢菊蜂蜜綠茶.冇耐,我o既凍百香果綠茶先到o黎,
百香果味香,綠茶味唔太出,不過OK o既.然後老公o既熱貢菊蜂蜜綠茶到o黎,
我飲唔到菊花o既味道,覺得係唔太甜o既綠茶.之後,老公o既燒汁煙鴨胸天使冷麵到o黎,
天使冷麵係雪到好凍,夏天食一定好正,個麵爽口,帶有啲啲硬,而我o地覺得佢落o左沙律醬撈勻,天使冷麵係”漿”住入口.而燒汁煙鴨胸呢,我只食到甜甜o既煙鴨胸佢o地應該加o左蜂蜜吧.
我o既all day breakfast到o黎,係檸汁煙三文魚田園沙律配野菌牛乳滑蛋, 蜜糖雞中翼2隻,火腿,煙肉,雞肉香腸同牛角酥.
先食野菌牛乳滑蛋,個蛋真係好滑,而且重有蛋汁,牛角酥仍暖而且外面仍脆,食到點點牛油味,
但感覺又唔太油膩,唔錯.蜜糖雞中翼就名正言順,正正就係食到甜甜o既蜜糖味.
而其他o野都冇乜問題啦.
食完覺得只係o岩o岩好,唔係好飽亦唔係話唔夠.
味道係3.6分
環境:
座位同通道其實都幾迫,不過冇計,店舖細.
2.5分
題外話/補充資料：
我o地點完菜後,聽到隔離枱食客話Openrice o既食評已經不可信,因為有很多打手.
(以上食評乃用戶個人意見 , 並不代表OpenRice之觀點。)
張貼
