Meltlyplace (已結業)

之前睇過一篇報道，係關於香港五大最好味嘅芒果拿破崙！而Meltyplace係佔第一位！有朋友生日，佢好鍾意食芒果拿破崙！每年生日壽星都要求我哋送芒果拿破崙蛋糕俾佢慶祝生日！所以今年，我哋就選咗響呢度買拿破崙蛋糕啦！由於係朋友負責訂蛋糕，我負責去攞，所以我唔太清楚地點！原來間餅店係位於半山，加上果日，中環啲自動扶手電梯壞咗，我要行好多條好斜嘅斜路同埋樓梯去買蛋糕！響呢個咁熱嘅天氣，真係好辛苦！早知我就響地鐵站搭的士上去啦！辛苦完一輪之後，終於見到間餅店！間餅店裝修好華麗，入到去餅店，見到好多單件蛋糕款式特別，好吸引！試食時間，個拿破崙蛋糕嘅餅底好脆，啲芒果好甜！如果鍾意食拿破崙蛋糕的朋友，值得一試！