影片
更多
2020-05-20
3028 瀏覽
五月幾嘅時份 當然要約母親大人食返餐母親節飯 朋友介紹我嚟呢間餐廳 咁就同兩老嚟咗試試佢🙊餐牌係電子形式嘅 放喺平板電腦度睇 幾環保 而餐廳仲有提供一個透明即棄膠袋俾我地暫存口罩 幾貼心😛今日叫咗酥皮茄子 茄子炸得幾鬆脆 上面有啲南乳醬 食落同茄子幾夾竹笙扒翡翠 呢碟就比較清淡 啲菜苗幾嫩 好易入口 感覺幾健康🥬黑毛豬叉燒 呢碟唔平㗎 要二百幾蚊 但係都物有所值嘅 叉燒好厚 有少少燶邊 口感一流 🤤銅盤生焗桂花魚球飯 呢碟就好普通 魚片唔係太多 而飯又蒸得太乾身 個人唔推介😮最後一定要試呢個甜品 朋友話我知如果即場叫未必有 所以訂位嘅時候訂埋鮮雜果拿破崙🍓拿破崙好高 每層都有一種生果 店員先俾我地影相 然後再幫我地分 咁就唔會切得好狼狽啦🙊 拿破崙好鬆化 一定要擘大個口先食到呀總括嚟講 呢間中菜水準都唔錯 得閒可以再嚟🐷
餐牌係電子形式嘅 放喺平板電腦度睇 幾環保 而餐廳仲有提供一個透明即棄膠袋俾我地暫存口罩 幾貼心😛
今日叫咗酥皮茄子 茄子炸得幾鬆脆 上面有啲南乳醬 食落同茄子幾夾
竹笙扒翡翠 呢碟就比較清淡 啲菜苗幾嫩 好易入口 感覺幾健康🥬
黑毛豬叉燒 呢碟唔平㗎 要二百幾蚊 但係都物有所值嘅 叉燒好厚 有少少燶邊 口感一流 🤤
銅盤生焗桂花魚球飯 呢碟就好普通 魚片唔係太多 而飯又蒸得太乾身 個人唔推介😮
最後一定要試呢個甜品 朋友話我知如果即場叫未必有 所以訂位嘅時候訂埋鮮雜果拿破崙🍓拿破崙好高 每層都有一種生果 店員先俾我地影相 然後再幫我地分 咁就唔會切得好狼狽啦🙊 拿破崙好鬆化 一定要擘大個口先食到呀
總括嚟講 呢間中菜水準都唔錯 得閒可以再嚟🐷
張貼
