富記飯店 (已結業)

朋友都說富記不錯, 於是去試試. 叫了:燒腩肉, 鴛鴦豆腐, 金沙蝦, 糯米蟹, 炒芥蘭, 木瓜焗飯, 炸銀絲卷鴛鴦豆腐唔錯, 豆腐好滑, 配搭海鮮的鮮味. 但燒腩肉就麻麻, 唔夠熱, 肉太瘦, 其他都ok, 只係碟頭比較細, 份量唔多(相對價錢). 最喜歡前茶的泡青瓜, 好有麻香味.但我地最唔滿意係, 我地叫炸銀絲卷(menu寫有三條), 不需幾分鐘就來了一碟六個的饅頭, 我地以為外表係饅頭, 可能內裡仲係一絲絲, 點知唔係, 入面都係實崩崩, 就叫侍應黎, 話可能送錯, 但兩個侍應都堅持話呢d係銀絲卷, 係我地叫o既, 我地真係一頭煙, 後來其中一個侍應轉頭番黎話, 佢地d銀絲卷無貨, 所以用饅頭代替!!!!大佬, 咁一開始就唔好咁堅持話係銀絲卷啦, 搞到我地幾個好似唔知咩係銀絲卷, 而且三條變成六個(一般size, 似係超市可以買到個種雪藏的). 總之, 最氣憤係佢地唔老實, 冇就冇, 冇我地仲可以選擇食或唔食炸饅頭啊~~