影片
更多
2018-10-28
1227 瀏覽
元朗出名車仔麵有好幾檔，今日再食大橋合興，其實佢已經開咗分店，證明生意真係唔錯👍👍平日晏晝都有唔少人等外賣，黎過兩次啲出名既餸都係無晒🙄 今日11點幾到，唔駛等😀 舖頭位置唔多，10零個，簡潔白色佈置，開放式吧枱，麵香一入舖就聞到，亦攤左個肚皮比你睇啲餸同麵點煮，無黑箱作業🤗坐低開始思考人生難題：叫乜餸好🧐 望住張宣質點餸紙，有啲衝動係咁剔😚最後叫左五個餸，重點，微辣，微辣，微辣，提示各位觀眾個辣度唔係人咁品，寧願後加好過起手一黎爆廠辣🌶️🌶️上枱前已經嗌定coke zero，唔知點解老闆放低咗一兜辣醬，叫我可以加啲，到底係我生得似食辣，定佢好唔鍾意我🤔🤔 個兜辣醬就算放一半，應該都會食到成身汗😂😂牛坑腩係今餐重點，平時車仔麵牛腩係又鬆又散，似足煲湯肉，但合興既牛坑腩係結實既筋肉分明，咬落去係爽😍 似啲一口牛柳質地，仲要入味喎。另一個highlight 係大腸，洗得乾淨又好味，牛筋丸，魚皮餃，魚片頭都無欺場，無話車仔麵係下價貨就求求其👏👏最後，脷伸一下，元朗美食真心多，水遠山長車奔波，長程入黎車仔麵，勸君想想咪坎坷。驚觀眾山長水遠入黎，成本過大，以為食既係天龍樓，點知只係街坊嘢😂😂
平日晏晝都有唔少人等外賣，黎過兩次啲出名既餸都係無晒🙄 今日11點幾到，唔駛等😀 舖頭位置唔多，10零個，簡潔白色佈置，開放式吧枱，麵香一入舖就聞到，亦攤左個肚皮比你睇啲餸同麵點煮，無黑箱作業🤗
坐低開始思考人生難題：叫乜餸好🧐 望住張宣質點餸紙，有啲衝動係咁剔😚
最後叫左五個餸，重點，微辣，微辣，微辣，提示各位觀眾個辣度唔係人咁品，寧願後加好過起手一黎爆廠辣🌶️🌶️
上枱前已經嗌定coke zero，唔知點解老闆放低咗一兜辣醬，叫我可以加啲，到底係我生得似食辣，定佢好唔鍾意我🤔🤔 個兜辣醬就算放一半，應該都會食到成身汗😂😂
牛坑腩係今餐重點，平時車仔麵牛腩係又鬆又散，似足煲湯肉，但合興既牛坑腩係結實既筋肉分明，咬落去係爽😍 似啲一口牛柳質地，仲要入味喎。另一個highlight 係大腸，洗得乾淨又好味，牛筋丸，魚皮餃，魚片頭都無欺場，無話車仔麵係下價貨就求求其👏👏
最後，脷伸一下，元朗美食真心多，水遠山長車奔波，長程入黎車仔麵，勸君想想咪坎坷。驚觀眾山長水遠入黎，成本過大，以為食既係天龍樓，點知只係街坊嘢😂😂
牛坑腩
27 瀏覽
0 讚好
0 留言
張貼
