麵家山下 (已搬遷) 新店位置

最衰剛行過家品店睇左一兩分鐘野，有姐仔行我前面快我一秒霸左兩個位，搞到我要坐門口，勁無奈、勁傷心。店內只有四個較舒適既高櫈位，門外就開左三張摺枱，環境較惡劣，似街市後巷。青汁，完全唔知係咩黎，好奇下第一次試，有點奶油味，完全唔甜，聽到有食客講係菜汁黎，感覺幾健康、高纖。炸生蠔，上次試左炸蝦同餃子，今次專登試試炸蠔。不太喜歡類似吉烈既煮法，好厚粉啊 ﹗天婦羅正好多，酥炸都正。咬落有蠔汁，肉質夠嫩，但炸得唔夠鬆化，麵包糠好厚，麵包味濃，剝左層皮好食好多。特盛拉麵配黑蒜油走蔥走芽菜，挑戰大胃皇 ﹗叉燒特多、拉麵又特別多，我當然要食硬麵啦。上次已經想試下到底份量有幾大架喇，約十分鐘送到。當然先試幾口湯先啦，特濃豬骨味配上香濃黑蒜油非常冶味，麵質似乎腍左少少呢，發現有幾條芽菜，係咪因為忘記走芽菜，之後要慢慢夾返出黎，所以碗麵浸到腍左啊？薄薄既叉燒，口感同味道都不過不失。日式叉燒還是肥一點、滑一點更好 ﹗從各方面睇，今晚碗黑蒜油麵比上次碗辛辣粉麵都遜色好多，上次碗麵真係好好好味架 ﹗味附蛋兩大隻，半熟流心非常吸引，少許醬油香味，但今晚蛋黃味偏淡喎。今晚係第二次幫襯，難免經常跟第一次比較呢 ﹗依個特