影片
更多
2022-01-07
562 瀏覽
今日喺附近上堂，趕唔切喺上堂前食個早飯，落堂之後同埋同學急急腳搵嘢食，見到呢間餃子店，環境清潔企理，光線充足，即管入去試吓～ 用手機落單，order 咗 ”西洋菜豬肉湯餃(10隻)” 同 “雙拼水餃併小食套餐”，另加$10配餐飲”手作檸檬茶”《西洋菜豬肉湯餃》🥬🐷🥟餃子嘅皮都幾薄滑，不過唔係我最鍾意嗰款餃子皮嘅質感，味道同一般食到嘅西洋菜餃好唔同，《天園》西洋菜餃嘅西洋菜味唔突出，餡料唔多，有陣甜甜哋嘅味，肉嘅份量算少🤨令我一度以為嚟錯咗”西洋菜木耳素餃”🤷🏻♀️~ 🌱🐷🥟 • 🍄🐷🥟 • 🔥👄💦🐔 ~《韭菜豬肉餃併白胡椒雜菌豬肉餃併麻辣口水雞卷（半份）》“韭菜豬肉餃” 正正常常“白胡椒雜菌豬肉”幾特別，比較少見，白胡椒味都幾香，係三款餃子入面我最欣賞嘅一款！“麻辣口水雞卷”有啲青瓜絲同花生做配菜，雞卷啖啖肉，會有少少雞皮，肥瘦比例都唔錯，幾啱我今日攰攰地唔想噒骨可以大大啖咁食，麻辣味唔算明顯，反而又有DD甜味，唔食得辣嘅我就啱晒，但麻辣度完全滿足唔到我朋友嘅味蕾！反而舖頭嘅菜圃就估佢唔到咁辣，朋友話辣得好過癮，我試咗一啖，🔥👅辣到一次過飲哂成樽手作檸檬茶都搞唔掂！自認食得辣嘅朋友可以
用手機落單，order 咗 ”西洋菜豬肉湯餃(10隻)” 同 “雙拼水餃併小食套餐”，另加$10配餐飲”手作檸檬茶”
《西洋菜豬肉湯餃》🥬🐷🥟
餃子嘅皮都幾薄滑，不過唔係我最鍾意嗰款餃子皮嘅質感，味道同一般食到嘅西洋菜餃好唔同，《天園》西洋菜餃嘅西洋菜味唔突出，餡料唔多，有陣甜甜哋嘅味，肉嘅份量算少
🤨令我一度以為嚟錯咗”西洋菜木耳素餃”🤷🏻♀️
~ 🌱🐷🥟 • 🍄🐷🥟 • 🔥👄💦🐔 ~
《韭菜豬肉餃併白胡椒雜菌豬肉餃併麻辣口水雞卷（半份）》
“韭菜豬肉餃” 正正常常
“白胡椒雜菌豬肉”幾特別，比較少見，白胡椒味都幾香，係三款餃子入面我最欣賞嘅一款！
“麻辣口水雞卷”有啲青瓜絲同花生做配菜，雞卷啖啖肉，會有少少雞皮，肥瘦比例都唔錯，幾啱我今日攰攰地唔想噒骨可以大大啖咁食，麻辣味唔算明顯，反而又有DD甜味，唔食得辣嘅我就啱晒，但麻辣度完全滿足唔到我朋友嘅味蕾！
反而舖頭嘅菜圃就估佢唔到咁辣，朋友話辣得好過癮，我試咗一啖，🔥👅辣到一次過飲哂成樽手作檸檬茶都搞唔掂！自認食得辣嘅朋友可以挑戰一下 🤜🏻🤛🏻
話時話，幾鍾意佢嘅手作檸檬茶， 唔甜，清新好飲！
總括嚟講，《天園餃子》嘅餃子水準正正常常，見佢都有幾多其他食物種類嘅選擇，睇吓下次上完堂會唔會有機會嚟試埋其他嘢～
張貼
