祥仔辣辣 (雅蘭中心) (已結業)

午餐約咗朋友嚟食呢間辣辣餐廳，本身我剩係食到少辣，BB辣，但朋友想食，我一於捨命陪frd子😚。入嚟坐低，無後悔嚟食，因為環境舒適，三五知己來好好坐，地方寛堂，私隱度高👍🏼餐廳嘅整體感覺似係高級少小嘅中菜，唔錯😬午餐主要係$88，有碗湯麵🍜/米線，我哋叫咗招牌酸菜魚湯麵 (🌶微辣) ，我剩係食到BB辣，所以揀一粒🌶🤗。朋友就叫咗水煮牛肉，二粒🌶🌶，另有4個小碟，份量都有好多呢個水煮牛肉，因為可能兩粒辣椒🌶️啦，對我來講呢係偏辣嘅，同埋佢又麻嘅感覺，食完之後個口係殘留左麻辣嘅味道。要加$5豆漿。四小碟我哋叫咗唔同來share，鹽酥雞有啲失望因為唔熱，唔夠脆，少小辣皮蛋好食，牛丸，蓮藕片，青瓜正常不過不失。小食叫咗呢個麻薯粉，好普通而且好油啊。酸菜魚就唔錯啦，因為適合一啲冇咁食到辣嘅朋友，佢個酸味係會比辣味重嘅，如果你好想食辣呢至少要叫兩粒辣椒啊🌶️，叫一粒辣椒係冇辣味㗎，酸味會蓋過左辣味。麵同埋魚呢，都係中規中矩啦冇乜特別。