夫妻沸片-台式麻辣火鍋 (已結業)

店內環境唔錯確係幾靚，好有台灣feel，座位闊落，見有麻辣湯底車仔麵所以吸引左去食。黃金魚皮 $39魚皮口感脆卜卜，沾滿咸蛋黃醬，咸香惹味好食。夫妻乾拌麵套餐 $88套餐包了沙薑手撕雞拌麵和時菜雲吞。拌麵大大碗麵質爽口煙韌，雞肉嫩滑幾香沙薑汁，配埋青瓜絲和標準流心蛋，整體味道唔錯。時菜雲吞浸在雞湯裡，味道清清地幾健康。夫妻自選同心麵(4餸) $84麻辣湯底辣度尚可接受，烏冬軟滑，魚皮餃餡肉飽滿口感彈牙，西班牙黑毛豬瘦肉無咩油脂口感嫩有肉香，梅菜豚肉丸加左梅菜肉鮮甜美都幾特別。