Masala Train (已結業)

每次係灣仔午飯時間行過都會想買嚟試下，但又好怕中伏，所以好快就打消念頭，但今次有機會收早，又想買啲嘢返屋企食，無啦啦靈光一閃不如就試下呢間，用一個就算出事都係屋企出事既心情去買，認真咁睇左陣有咩想食，仲要有中文餐單，唔怕睇唔明而買錯野。最後就揀咗雞肉印度香飯同羊肉卷，即叫即製，等咗一陣就可以拎得，當佢知我拎返屋企食就比咗個袋我可以拎走，好好禮貌同服務，一拎咗就馬上趕返屋企，好彩啲嘢食仲未凍得哂。返屋企馬上開嚟試，雞肉印度香飯，本身以為會好重味，點知味道啱啱好，撈少少椰汁食又幾夾。羊肉卷，好重羊味夠足料同啲醬汁好夾，好適合鐘意食羊既我。經過今次之後，下次應該會直接買個羊肉卷係街邊食，一定會再返去食。